مرات اخويا2
أخويا قام يفتح.
بعد دقيقة رجع، ووشه متغير.
قلت: ـ في إيه؟
قال: ـ في واحدة برا… بتقول إنها جاية تدور على نجلاء.
نجلاء اتوترت فجأة.
وشها اصفر، والكوباية وقعت من إيدها على الأرض واتكسرت.
بصتلها باستغراب وقلت:
ـ تعرفيها؟
بلعت ريقها وقالت بصوت مهزوز:
ـ أيوه… للأسف أعرفها.
في اللحظة دي، دخلت الست من غير ما تستنى حد يعزمها.
كانت في الخمسينات من عمرها، ملامحها حادة، وفي إيديها ملف مليان أوراق.
بصت مباشرة على نجلاء وقالت بصوت عالي قدام كل اللي قاعدين:
ـ أخيرًا لقيتك… بقالك سبعة شهور بتهربي مني.
البيت كله سكت.
وأخويا قام وقف قدام مراته وقال:
ـ حضرتك مين؟
الست فتحت الملف، وطلعت ورقة، ومدتها لأخويا وهي بتقول:
ـ أنا جاية عشان الفلوس اللي مراتك استلفتها… واللي كتبت عليها إيصالات أمانة باسمي.
أخويا خد الورقة…
وأول ما قرا الاسم والمبلغ…
وشه شحب، وبص لنجلاء وهو بيقول:
ـ نجلاء… يعني إيه مية وتمانين ألف جنيه؟!
يتبع…
