حكايات زهره الربيع 3
واللي حصل لها هو بداية كل المصايب اللي أنتم عايشينها لحد النهارده
وبعدين بص لحمايا وقال
قولهم بقى
قولهم مين خد البنت
وليه وافقت تسكت كل السنين دي
حمايا فتح بقه عشان يتكلم
لكن الكلمة الأولى اللي خرجت منه خلتنا كلنا نجمد مكاننا.حمايا خد نفس طويل وقال بصوت كله وجع
البنت مماتتش
نور شهقت وحطت إيديها على بقها
وأنا حسيت إن الكلام تقيل بشكل مش طبيعي
قالت نور
يعني إيه
قال
كان عندها أيام قليلة لما الدكتور قال إنها محتاجة عملية بره مصر وإحنا وقتها مكنش معانا حتى تمن العلاج
كنا بندور على أي حل
وفي الوقت ده جالنا واحد من معارفنا وقال إن في أسرة ميسورة نفسها في طفل ومش بيخلفوا
وقال إنهم مستعدين يتكفلوا بعلاجها وتربيتها
أمكم رفضت
رفضت بشكل قاطع
لكن بعد شهور من التعب والديون والضغط
انهارت
ووافقت وهي فاكرة إنها بتنقذ حياة بنتها
الراجل اللي معاه الملف قال
وتم كل ده بأوراق غير قانونية
ومن يومها انقطعت أخبار البنت تماما
نور كانت بتعيط بحرقة
وقالت
يعني كان ليا أخت عايشة طول السنين دي وإحنا منعرفش
حمايا هز رأسه وهو بيبكي
أيوه
وأمكم فضلت كل ليلة تدعيلها وتبكي عليها لحد آخر يوم في عمرها
أنا كنت ناوي أدور عليها بعد ما كبرتوا
لكن كل مرة كنت بخاف
خايف أهدم حياتها لو كانت مستقرة
وخايف أهدم حياتكم لو عرفتوا
الراجل فتح الملف مرة تانية
وقال
أنا دورت عليها السنين اللي فاتت
ولقيتها فعلا
بصينا له كلنا في نفس اللحظة
قلت بسرعة
لقيتها فين
قال
عايشة
ومتجوزة
وعندها أولاد
ومتعرفش أي حاجة عن أصلها الحقيقي
سألته نور وهي بتترعش
طب هي مين
ابتسم ابتسامة حزينة
وقال
قبل ما أقول اسمها
في حاجة لازم تعرفوها
أنا لما وصلت لها وبدأت أراجع الورق اكتشفت مفاجأة أكبر
المفاجأة إن في شخص كان عارف الحقيقة من سنين
ومخبيها عنكم كلكم